– मा. शशिकांत मंगळे ,सरपंच ,कसबेगव्हाण -भ्रम.क्र.८४११०७०१०१

"गाव हा विश्वाचा नकाशा, गावावरून देशाची परीक्षा, गावाची भंगता अवदसा येईल देशा" असा संदेश वंदनीय राष्ट्रसंत तुकडोजी महाराजांनी ग्रामगीतेतून दिला आहे. राष्ट्रसंताचा हा संदेश प्रत्यक्ष कृतीत आणून अमरावती जिल्हातील अंजनगाव सुर्जी तालुक्यांतील कसबेगव्हाण या गावाने डोंगराएवढ्या उंचीची कामे करीत विधवा कुप्रथा बंदीचा ठराव घेऊन राज्य पातळीवर गौरव प्राप्त केला आहे.

कसबेगव्हाण चे सरपंच मा.शशिकांत मंगळे यांनी गाव विकासाचे ध्येय स्वीकारले. त्यांचा विश्वास कृतीत आणण्यासाठी ग्रामविकास अधिकारी मा.नरेश भारसाकळे, उपसरपंच, ग्रा.प.सदस्य व ग्रामस्थांनी पुढाकार घेतल्याने गावाची प्रगतीकडे वाटचाल सुरू आहे.गावातील नागरिकांना उच्चदर्जाच्या सुविधा उपलब्ध करून दिल्या जात असून विविध पुरस्कार मिळविलेल्या महात्मा गांधी तंटामुक्ती अभियान , संत गाडगेबाबा ग्राम स्वच्छता अभियान व आर. आर. आबा पाटील स्मार्टग्राम पुरस्काराने गावाची राज्य स्तरावर ओळख निर्माण केली आहे.अंजनगाव सुर्जी तालुक्यातील कसबेगव्हाण ग्रामपंचायतीने गावपातळीवरील वैयक्तिक विकासाच्या योजना प्रभावीपणे राबणवल्या आहेत. ग्रामविकासाच्या योजनांची योग्य अंमलबजावणी, पारदर्शक कामकाज यामुळे ग्रामपंचायतीने प्रत्येक कामात यश संपादन केले आहे.

ग्रामपंचायतच्या जुन्या इमारतीची दुरुस्ती करून नव्याने इमारत उभारण्यात आली आहे. ग्राम पंचायत कार्यालय अग्निशमन यंत्र,प्रथमोपचारपेटी,आपत्कालीन संपर्क क्रमांकाचे सूचना फलक, पीण्यासाठी आरओचे शुद्ध पाणी, भूमीगत गटारे, जादुई शोष खड्डे, कचऱ्याचे ओला व सुका वर्गीकरण , सांडपाणी व्यवस्थापण,सुसज्ज अंगणवाडी, डिजीटल प्राथमिक शाळा या सर्व सुविधामुळे ग्राम पंचायत, प्राथमिक शाळा, अंगणवाडी, वाचनालय मध्ये उच्च दर्जाच्या सोयी सुविधा उपलब्ध असून व गावातील रस्त्यांच्या दुतर्फा वृक्षरोपण करून वृक्षवल्ली गावात येणाऱ्या पाहुण्यांचे स्वागत करीत असल्याचे जाणवते .

सन १९८९ पासून सतत २० वर्ष सरपंच पदी आरूढ असणारे दृढ निश्चीयी सरपंच शशिकांत मंगळे यांच्या कार्यकाळात गावाने कात टाकली. हळूहळू परिवर्तनाची कास धरीत विविध स्पर्धामध्ये सहभाग घेण्यास सुरुवात केली. १९८९ साली प्रथमवेळी सरपंचपदाची धुरा हाती घेणारे मा.शशिकांत मंगळे यांनी गाव विकास करण्याचे ध्येय स्पष्ट केले. २०१५ पासून ग्राम पंचायत ने १ ते ३३ नमुने ऑनलाइन करून संगणकीकृत दाखले व प्रमाणपत्र देणे सुरू केले आणि आर आर आबा पाटील स्मार्ट ग्राम पुरस्काराने गौरणवण्यात आले, ही फक्त सुरुवात होती. मग गावाने मागे वळून बघितलेच नाही. पुढे संत गाडगेबाबा ग्राम स्वछता अभियानात तालुका,जिल्हा व विभागीय स्तरावरील पुरस्काराने सन्मानित करण्यात आले. गावात पिण्याच्या पाण्याची समस्या कधीही उद्भवू नये म्हणून जीवन प्राधिकरणची ७९ गाव पाणीपुरवठा योजना गावात कार्यान्वयित करण्यात आली.सरपंच मा.शशिकांत मंगळे यांनी या योजनेकरिता थेट मंत्रालय स्तरावर पाठपुरावा करून ही योजना गावात खेचून आणली .आज गाव पाणी टंचाई मुक्त आहे.घरोघरी नळ बसवून त्याद्वारे पाणीपुरवठा होत आहे. गावात लोकसहभागातून श्रमदानाने नदीवर बंधारे बांधले आहेत. त्याचा फायदा असा झाला की आज विहीरीचे पाणी फक्त २० फुटावर आहे. त्यामुळे भविष्यातील पाणीटंचाईची समस्या दूर झाली. रोजगार हमीवर असणारे कामगार व ग्रामस्थांनी घरोघरी शोषखड्डे करून दिले. त्यामुळे गावातील पाणी गावातच मुरू लागले व नाल्यांचे प्रमाणकमी झाल्यामुळे गावातील रोगराई कमी झाली. गावात अनेक लोकांना घरकुल योजनेतून घरे देण्यात आली. येणा-या काळात कोणाचेही मातीचे घर दिसणार नाही असा निरधार सरपंच मा.शशिकांत मंगळे यांनी व्यक्त केला आहे . गावात घरोघरी ग्रामपंचायतद्वारे ओला कचरा व सुखा कच-यासाठी वेगवेगळे डबे देण्यात आले. चौकाचौकात कच-यासाठी ड्रम ठेवण्यात आले. कचरा गाडी घरोघरी जाऊन कचरा गोळा करुन त्यासाठी बनविलेल्या टाक्यात टाकुन कंपोस्ट खत तयार केले जाते. उज्ज्वल गॅस योजने अंतर्गत अनेकांना गॅसची सुविधा करून देण्यात आली आहे. गावात अनेक ठिकाणी सौर दिवे सुद्धा लावण्यात आले आहेत. लोकसहभागातून गावातील रस्त्यांच्या दुतर्फा वृक्षलागवड करून पाणी अडणवण्यासाठी नदीमध्ये बंधारे बांधून गावातील शेती सिंचन समस्येवर मात करण्यात आली आहे . सामाजिक उपक्रमातून राज्यस्तरावर आदर्श पुरस्काराच्या निधीतून सार्वजनिक ठिकाणी शौचालय व स्वछतागृह तयार करण्यात आले. गावातील रुग्णांना गावातच आरोग्य शीबिरे घेऊन आरोग्याच्या सुविधा दिल्या जात आहेत.मोठ्यात मोठी शस्त्रक्रिया करण्यासाठी सरपंच मा.शशिकांत मंगळे यांचा नेहमीच पुढाकार असतो.अपंग दिनापासून सर्वच महापुरुषांच्या जयंती दिनी प्रबोधनात्मक कार्यक्रमाचे आयोजन ग्राम पंचायत मध्ये केले जाते.महिलांच्या सन्मान म्हणून महिला दीन व विधवा महिला दीन प्रबोधनातून साजरा करणारी कसबेगव्हाण ग्राम पंचायत या अर्थाने वेगळी ओळख निर्माण करते .तर विधवा कुप्रथा बंदीचा ठराव घेऊन कसबेगव्हाण ग्राम पंचायत ने विधवा महिलाचा सन्मान राखून राज्यस्तरावर आपला आदर्श निर्माण केला आहे.

शासकीय दाखले , शासकीय योजनांचा मोफत लाभ

गावातील नागरिकांचे कर वसुलीत सहकार्य मिळावे म्हणून आर्थिक वर्षाच्या सुरुवातीला एप्रिल व मे महिन्यात शंभर टक्के कर भरणाऱ्या कुटुंबाना वर्षभर विविध शासकीय योजनांचा मोफत लाभ देण्यात येतो.शासकीय दाखले गावातच उपलब्ध करून देण्यासाठी शिबिरे आयोणजत केली जातात .ग्रामस्थांना मोबाईलवर मेसेज द्वारे दवंडीची सूचना दिली जाते.विविध धाडसी उपक्रम राबवून ग्रामपंचायतीने नवलौकिक मिळविला आहे.

लोकसहभागातून विकास

गावाने लोक सहभागातून कात टाकली असून इतरांसाठी विकासाची प्रेरणा देणारे मॉडेल ठरले आहे. येथे भेट देणारे लोक येथील कामे पाहून भारावून जातात. रोजगार हमी योजनेतून कुटुंबाना शंभर दिवस काम उपलब्ध करून देणारी ही तालुक्यातील एकमेव ग्राम पंचायत आहे. गावात प्रत्येक घरी शौचालये असून गाव १०० टक्के हागणदारीमुक्त आहे.